Ивановода Мөселман мәдәни үзәге төзелеше дәвам итә
2018 елның июлендә Ивановода Җәмигъ мәчетенең икенче чираты - Мөселман мәдәни үзәге төзелешенә нигез салдылар. Иваново өлкәсе Диния нәзарәте рәисе һәм мөфтие Фәрит Ляпин бу изге эшне бергәләп, Аллаһ ярдәме белән башкарып чыгуда мәхәллә кешеләренә һәм шәһәр халкына мөрәҗәгать итте, дип хәбәр ителә Россия мөселманнары Дини җыены сайтында.
Шушы вакыт эчендә күп кенә мәхәллә кешеләре актив ярдәм иткән һәм бу төзелештә шәхси катнашкан, Иваново өлкәсе һәм Иваново шәһәре хакимияте ярдәм иткән.
Фәрит хәзрәт Ляпин Мәдәни үзәкне төзү инициаторы булды — дөньяви белгечлеге буенча ул профессиональ төзүче. 20 ел чамасы элек аның турыдан-туры җитәкчелегендә Иваново Җәмигъ мәчете ачыла, ә бүген мөселман җәмгыяте тырышлыгы белән Мөселман мәдәни үзәге төзелеше дәвам итә, диелә хәбәрдә.