Белгечләр: 2023 елда автомобильләргә бәяләр чит ил машиналары җитмәгәнлектән артачак
Европа һәм Америка автомобильләрен Россиягә китерү тукталгач, аларга кытлык булачак, бу инде быел ук машиналарга бәяләр артуга китерде. Киләсе елда бу күренеш дәвам итәчәк, киткән маркаларның товар запаслары 2023 елның беренче кварталы ахырына кадәр үк сатылып бетәчәк. Дилерларга сылтама белән ТАСС шулай дип хәбәр итә.
Машиналарның бәясе 10 процентка артыр дип көтелә, ул валюта курсларына һәм логистик тәэмин итү чылбырларына бәйле булачак.
Кытай машиналарына килгәндә, Кытай Халык Республикасы компанияләре «күләмнәрне арттыруны һәм табыш алуны дәвам итәчәк», дип билгеләп үтә белгечләр. Хәзерге вакытта Россиягә Кытай брендлары гына китерелә, ләкин киләсе елда аларга Корея брендлары өстәлүен көтәләр.
Искәртеп узабыз, Россия автодилерларының складларында агымдагы ел азагына чит ил брендлы 20-30 мең машина калуы – бу запасларның бер айга гына җитәчәге хәбәр ителгән иде. Киләсе елда яңа машиналарга кытлык миллион берәмлеккә җитәргә мөмкин.