Республикада ике кешегә «Татарстан Республикасының Атказанган икътисадчысы» исеме бирелде
Татарстанда яшәүче ике хатын-кыз «Татарстан Республикасының Атказанган икътисадчысы» исеменә лаек булды. Мактаулы исем бирү турындагы карарны республика Президенты Рөстәм Миңнеханов имзалады.
Татарстан Республикасы буенча Федераль салым хезмәте идарәсенең 2нче номерлы камераль контроль бүлеге башлыгы урынбасары Альмира Хисмәтуллина салым хезмәтен үстерүгә керткән өлеше өчен, Татарстан Республикасы буенча Федераль казначылык идарәсенең 24нче бүлеге җитәкчесе Любовь Якимова финанс-икътисади эшчәнлектәге казанышлары өчен билгеләп үтелде.