Түбән Кама автобуслары Раштуа бәйрәмендә махсус расписание буенча йөриячәк
Түбән Кама һәм Түбән Кама районы чиркәүләрендә Раштуа бәйрәме уңаеннан служба 6 гыйнвардан 7 гыйнварга каршы төндә узачак. Шәһәр җәмәгать транспорты хәрәкәте махсус режим буенча оештырыла, дип хәбәр ителә шәһәр хакимиятенең телеграм-каналында.
Автовокзалдан автобус Олы Афанас авылының Покровский чиркәвенә 22.30 сәгатьтә кузгала, ә чиркәүдән кире 02.00 сәгатьтә китәчәк. Автовокзалдан шәһәр буенча йөри торган маршрут «44 микрорайон» («Рождество Христово» храмы) тукталышы аша «Воскресение Христова» чиркәвенә (Морадьян ур., 5) таба автовокзалдан 23.00 сәгатькә йөриячәк, чиркәүдән – 02.00 сәгатьтән соң.
Кызыл Чишмә бистәсенә кадәр 2нче маршрут буенча трамвай төн уртасына кадәр йөриячәк, кире кайтканда 02.00 сәгатьтән соң кузгала.
Исегезгә төшерәбез, Казанда 7 гыйнварда шулай ук диниләр өчен махсус җәмәгать транспорты эшләячәк. Храмга килүчеләрне 2нче троллейбус һәм 6, 10а, 15, 23 һәм 30нчы маршрутлардан берәр автобус йөртәчәк. Чаллыда 7 гыйнварда автобуслар иртәнге 2.30 сәгатьтән йөри башлый, өч маршрут оештырыла.