Авария аркасында Казанның Мәскәү районында кайбер йортлар утсыз калган
Казанның Гудованцев, Химиклар һәм Беломорск урамнарында урнашкан кайбер йортлар электр энергиясез калды. Шәһәрнең Киров һәм Мәскәү районнары хакимиятенең матбугат хезмәте Telegram-каналда шул хакта хәбәр итте.
Йортларда «Челтәр компаниясе» акционерлык җәмгыятенең тышкы электр челтәрләрендә авария булу сәбәпле ут беткән. Казан электр челтәрләре белгечләре авария-ремонт эшләре башкара.
Хәбәрдә билгеләп үтелгәнчә, электр энергиясе белән тәэмин итү барлык эшләр тәмамланганнан соң, якынча 10.30 сәгатьтә яңадан торгызылачак.
«Челтәр компаниясе» акционерлык җәмгыятенең кайнар элемтә телефоны: 8 (800) 200-08-78.