Сургутта «Мирас» татар хатын-кызлар клубы эшли башлады
22 гыйнварда Сургут шәһәре милли-мәдәни үзәге җирлегендә Ильзия Киямова тарафыннан оештырылган «Мирас» татар хатын-кызлар клубы үз эшчәнлеген башлап җибәрде. Бу хакта Бөтендөнья татар конгрессы матбугат хезмәте хәбәр итә.
Клубка йөрүче кызлар яшь буында милли рух тәрбияләү, гореф-гадәтләрне саклау, татар хатын-кызларын берләштерү, чигү, бәйләү, кул эшләренә өйрәтү, аш-су, декоратив-гамәли сәнгать эшләнмәләре, калфак-түбәтәй тегү, татарча аралашу юнәлешендә эш алып барачаклар.
Телебезне югалтмау, гореф-гадәтләребезне буыннан буынга тапшыру – ул безнең бурычыбыз, диелә хәбәрдә.