Мәскәүдә Илдар Юзеев истәлегенә әдәби-музыкаль кичә узды
Танылган татар шагыйре һәм драматургы Илдар Юзеев истәлегенә Мәскәүдә кичә узды. Әдәби очрашуда башкаланың татар мәдәни үзәге һәм «Мирас» ансамбле авторның җырларын башкарды.
Чарада Сара Садыйкова, Җәүдәт Фәйзи, Мирсәет Яруллин кебек танылган татар композиторлар көйләр иҗат иткән «Яшь наратлар», «Кыр казлары артыннан», «Мәтрушкәләр», «Хуш инде», «Кайтам инде» җырлары яңгырады. Бөтендөнья татар конгрессы Мәскәү татарлары автономиясенә сылтама белән шул турыда хәбәр итә.
Илдар Юзеев үз гомерендә кырыктан артык шигъри җыентык бастырып чыгарган. Алар арасында «Мәхәббәт китабы», «Таймас», «Соңгысы төн», «Очты дөнья читлегеннән», «Мәңгелек белән очрашу» кебек китаплар бар.