Чит ил кешеләре Белоруссия визасы белән Россиягә тоткарлыксыз килә алачак
Россия яки Белоруссия визасын алган чит ил гражданнары икенче ил чиген өстәмә визадан башка да үтә алачак. РФ Президенты Владимир Путин имзалаган шул хактагы закон хокукый мәгълүмат порталында урнаштырылган.
«2020 елның 19 июнендә Минск шәһәрендә имзаланган Союздаш дәүләт төзү хакында килешүдә катнашучы илләр территориясенә чит ил гражданнары һәм гражданлыгы булмаган затларның керүе белән бәйле башка мәсьәләләр буенча һәм визаларны үзара тану турындагы килешүне ратификацияләргә», - диелә текстта.
Үзгәрешләрнең 1 февральдән үз көченә керәчәге искәртелә.