Рөстәм Миңнеханов Марат Садыйков турында: Марат ышанычлы һәм төгәл кеше иде
Татарстан Президенты Рөстәм Миңнеханов хушлашу мәрасимендә сәламәтлек саклау министры Марат Садыйковның ышанычлы кеше булуын искә алды.
«Марат бик ышанычлы һәм төгәл кеше иде. Пандемия республика сәламәтлек саклау системасының ничек оештырылуын күрсәтте. Туганнары һәм якыннарының кайгысын чын күңелдән уртаклашам. Бу – зур югалту. Аны беркайчан да онытмаячакбыз», - дип искәртте ул.
Миңнеханов министрның балалары, хатыны һәм әтисенә теләктәшлек сүзләре белән мөрәҗәгать итте.
Президент Марат Наил улының республика һәм сәламәтлек саклау системасының патриоты булуын искәртте.
- Казанда сәламәтлек саклау министры Марат Садыйков белән хушлаштылар. Ул кичә 53 яшендә вафат булды. Мәрхүмне Тынычлык бистәсе зиратында җирлиләр.