Төркиядә кабат җир тетрәү булган
Үзәк Төркиядә кабат 5,6 магнитудалы җир тетрәү булган. Бу турыда Европа-Урта диңгез сейсмология үзәгенә сылтама белән РИА Новости яза.
Эпиүзәк Гёльбаши районыннан 5 км ераклыкта 2 км тирәнлектә була.
Кичә, дүшәмбе көнне Төркиядә булган җир тетрәү корбаннары саны 2921 кеше булды. Төркия лидеры Рәҗәп Тайип Эрдоган коткару эшләрен координацияләү үзәгендә әйткәнчә, бу – 1939 елдан бирле иң көчле, 7,7 магнитудалы җир тетрәү.