Февраль бәйрәмнәрендә Казан белән Мәскәү арасында өстәмә поездлар йөриячәк
Февраль бәйрәмнәрендә Казан-Мәскәү арасындагы сәфәрләр өчен өстәмә поездлар билгеләнгән. Алар 22 һәм 25 февральдә йөриячәк.
«Февральдә бәйрәм көннәрендә «Горький тимер юлы»нда пассажирлар ташуга ихтыяҗ зур булу сәбәпле, яңа өстәмә поездлар кертелә», - дип хәбәр иттеләр «Горький тимер юлы» матбугат хезмәтендә.
Шулай итеп, Мәскәү – Казан юнәлешендә 216 номерлы поезд 22 февральдә 13.10 сәгатьтә Россия башкаласыннан китәчәк, ә икенче көнне Татарстанга 00.58 сәгатьтә кайтып җитәчәк.
273нче поезд Казан станциясеннән 25 февральдә 16.06 сәгатьтә китәчәк һәм икенче көнне 4.50 сәгатьтә Мәскәүгә барып җитәчәк.
Элегрәк февраль бәйрәмнәрендә Казан белән Мәскәү арасындагы сәфәрләргә ихтыяҗ зур булу сәбәпле, өстәмә җиде поезд билгеләнгән булган. Моннан тыш, «Горький тимер юлы»нда билгеләнгән поездлар составына өстәмә вагоннарны кертү мөмкинлеге турында белдерделәр.