Мәскәүдә Илһам Шакировны искә алу кичәсе була
18 февраль көнне Мәскәүдә, Татар мәдәни үзәгендә, күренекле татар җырчысы һәм мәдәният эшлеклесе, Татарстан АССРның халык артисты, Каракалпак АССРның халык артисты Илһам Шакировны искә алу кичәсе була. Бу хакта Бөтендөнья татар конгрессының матбугат хезмәте хәбәр итә.
Аның башкаруындагы «Кара урман», «Әллүки», «Хуш авылым», «Сандугач», «Бик еракта идек без», «Идел буе каеннары» һ.б. татар халкының яратып тыңлый торган җырларына әверелде.
Легендар артистны искә алу кичәсендә тамашачылар Илһам Шакировның тормыш һәм иҗат юлы белән танышачак. Кичәдә шулай ук аның җырлары тәкъдим ителәчәк, артист турында хатирәләр яңартылачак.