Төркиядә яңа җир тетрәүләр нәтиҗәсендә 6 кеше һәлак булган
Төркиянең Хатай провинциясендә 20 февраль кич теркәлгән җир тетрәүләрдә һәлак булучылар саны алтыга кадәр арткан, дип хәбәр итте Star газетасы. Элегрәк Төркия Сәламәтлек саклау министрлыгы җир тетрәүдән соң 300гә якын яраланган кеше турында белдергән иде. ТRТ Haber телеканалы, һәлак булган дүрт кеше турында хәбәр итте.
Табигать афәтләрен бетерү идарәсе (AFAD) дүшәмбе көнне Хатай провинциясендә 6,4 һәм 5,8 магнитудалы ике җир тетрәү булуы турында хәбәр итте.