Мәскәүдә татар мәдәнияте айлыгы узачак
Мәскәүдә татар мәдәнияте айлыгы узачак. Ул 5 мартта «Дар» мәдәният үзәгендә башлана. 5 мартта 18:00 сәгатьтә «Дастан» күргәзмәсен ачу тантанасы була. Бөтендөнья татар конгрессы сайты шул турыда хәбәр итә.
Дастаннар халыкның чын, чит кешеләр йогынтысында бозылмаган этник аңын саклаган. Дастаннар эпик әсәрләрдә шифрланган тарихи чынбарлыкны ача һәм безнең барлык буыннарыбызның этник үзенчәлеген формалаштыра.
Күргәзмәдә татар халкының танылган дастаннары басмалары, китаплар, рәссамнар, фотографлар эшләре булачак.
Бер айга программа:
5 март, 18:00
Күргәзмәне ачу тантанасы.
Бәетләр башкару, борынгы музыка уен коралларында уйнау, лекцияләр һәм чәй эчү.
19 март, 19:00
Тарихи бранч.
Яшьләр өчен мәдәни чара.
26 март, 19:00
«Эзләү» интеллектуаль уены.
7 апрель, 18:00
Татар-ифтар.
Рухи программа белән ифтар.
23 апрель
Көрәш.
Милли татар спорт төре буенча мастер-класс.
30 апрель, 19:00
«Чура-Батыр» спектакле.
Күргәзмәне ябу һәм «Чура батыр» дастаны мотивлары буенча спектакль.
«Дар» мәдәни үзәге Ленин бистәсендә 9 йортта урнашкан.
Күргәзмә «Тамырларга кайту» проекты кысаларында оештырыла һәм Бөтендөнья татар конгрессы белән берлектә уздырыла, диелә хәбәрдә.