Аксубай фермеры Татарстан Фермерлар ассоциациясе бүләкләренә лаек булды
Татарстан Республикасы Фермерлар Ассоциациясенең XXIII съездында крестьян-фермерлык хуҗалыгы башлыгы Георгий Погодинга ТР Фермерлар Ассоциациясенең Рәхмәт хатын һәм илле яшьлек юбилее уңаеннан кыйммәтле бүләк тапшырды. Бу хакта «Авыл таңнары» сайтында хәбәр ителә.
Съездда кече хуҗалыкларның иң яхшы вәкилләрен билгеләп үттеләр. Алар арасында Аксубай районының авыл хуҗалыгы җитештерүчеләре дә бар. Республиканың агросәнәгать комплексы үсешенә керткән өлеше өчен Иске Тимошкинодан фермер Георгий Погодин Ассоциация бүләгенә лаек булды. Аңа Рәхмәт хаты тапшырганда аңа авыр эшендә уңышлар һәм киләчәктә авыл хуҗалыгы бизнесының чәчәк атуын теләделәр.
«Погодкин» крестьян-фермерлык хуҗалыгы – терлекчелек һәм үсемлекчелек буенча тотрыклы үсеш алган хуҗалык. Георгий Погодин – районда беренчеләрдән булып фермерлык эшен башлап җибәргән һәм аны югары дәрәҗәгә күтәргән әтисе Петр Александрович эшен лаеклы дәвам итүче.