Казанның Галиев мәчетендә Коръән хәтем кылуны онлайн карап була
Рамазан-шәриф аеның 1 нче көнендә (23 мартта) Казанның Галиев мәчетендә Коръән хәтем кылына башлады. Коръәнне хәтем кылуга һәркем кушыла ала. Нәзарәтнең «ДУМ РТ» телеграмм-каналында аның турыдан-туры трансляциясе алып барыла.
Хафиз, Галиев мәчете мөэдзине Нурмөхәммәд хәзрәт Исламов көн саен өйлә намазыннан соң (сәгать 12.00 дән соң) бер җүзне, ягъни Коръәннең 1/30 өлешен укып чыгачак. Хәтем кылу Рамазан аеның соңгы көнендә төгәлләнәчәк, диелә Нәзарәт сайтында.
Сөекле Пәйгамбәребез Мөхәммәд (сәлаллаһу галәйһи вәссәлам) әйткән: «Коръәннән бер аять тыңлаучыга икеләтелгән савап язылачак, ә Коръән укучыга Кыямәт көнендә нур бүләк ителәчәк».