Чувашиянең Урмай авылында «Тау башы» мәчетендә балалар өчен бәйрәм булды
Чувашия Республикасының Комсомол районы Урмай авылы мөселман мәхәлләсенең «Тау башы» мәчете имамы Рафаил хәзрәт Минадиев язгы каникуллар чорында балалар өчен бәйрәм оештырды. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.
Мәчет каршындагы курсларга йөрүче егерме шәкерт бәйрәмнең беренче өлешендә викторинада катнашты, аның нәтиҗәләре буенча барысы да бүләкләр алды. Рафаил хәзрәт шулай ук барлык шәкертләргә Рәхмәт хатлары тапшырды.
Чара чәй мәҗлесе белән тәмамланды. Имам балаларга уңышлар, куелган максатларына ирешүләрен һәм динебез таләп иткәнчә лаеклы гомер кичерүләрен теләде, диелә хәбәрдә.