10 апрельдә Казан мәчетләрендә җиде йөздән артык кешегә ифтарлар үткәреләчәк
Кейтеринг компаниясе Казан мәчетләрендә җиде йөздән артык кешегә исәпләнгән ифтарлар уздырачак. Бу хакта оешманың матбугат хезмәте хәбәр итә.
«Тулы табыннарда дога кылырбыз, Коръән сүрәләре тыңларбыз һәм кичне сый-нигъмәт белән дәвам итәрбез. Ислам – тынычлык һәм яхшылык дине, һәм без моны үз мисалыбызда күрсәтергә телибез», – диелә хәбәрдә.
Кейтеринг компаниясеннән ифтарлар 10 апрельдә «Әхмәдзәки» (Осиново тыкрыгы, 16а), «Ихлас» (Усады авылы, Габдулла Тукай ур., 2,), «Җомга» (Казан, Ильич ур., 4,), «Форваз» (Яңа Салмачы, Умырзая ур., 24,) мәчетләрендә узачак.