Балтачта район башлыгы ярдәме белән ифтар уздырдылар
Балтач үзәк мәчетендә район башлыгы Рамил Нотфуллин катнашында һәм ярдәме белән ифтар мәҗлесе узды.
Ифтар мәҗлесендә башкала кунаклары Илфар хәзрәт, Ислам динен кабул итүгә 1000 ел исемендәге Казан югары мөселман мәдрәсәсе ректоры Ильяс Җиһаншин, ТР Дәүләт Советы депутаты Камил Нугаев катнашты.
Алар үзләренеӊ чыгышларында райондашларыбызны Рамазан ае белән тәбрик итеп, ураза тотучыларга сабырлык теләп, халкыбызныӊ бердәм, тыныч шартларда яшәүләре үзе бер зур куаныч, дип билгеләп үттеләр. Бу хакта «Хезмәт» сайты хәбәр итә.
Балтач районы мөхтәсибе, Татарстан Республикасыныӊ Баш казые Җәлил хәзрәт Фазлыев үзенеӊ кыска, әмма үтемле вәгазендә һәр мөселман кешесенеӊ бурычлары, динебезгә кайту, холкыбызны тәрбияләү мәсьәләләренә тукталды. Ураза ул үзеӊне тыеп, нәфсеӊне җиӊеп, кешедә булган тискәре сыйфатларны җиӊәргә, бу дөньяда, тирә-күршебездә мохтаҗларныӊ хәлен яхшырак аӊларга булыша, диде ул.