Монополиягә каршы федераль хезмәт: Электр энергиясенә бәя арту халыкка кагылмаячак
Бердәм илкүләм электр челтәре буенча электр энергиясен тапшыруга тарифларның артуы Россиядә яшәүчеләргә кагылмаячак. Бу хакта Монополиягә каршы федераль хезмәттә белдерделәр. ТАСС шул хакта яза.
«Гражданнарга бу үзгәреш кагылмаячак. Фаразланганча, халык өчен тарифлар 2024 елның 1 июленнән генә үзгәртелә», - дип ышандырдылар федераль ведомствода.
Моннан тыш, тарифларның үзгәрүе челтәр комплексында масштаблы инвестиция программасын гамәлгә ашыру белән бәйле, дип аңлаттылар Монополиягә каршы федераль хезмәттә.
«Татар-информ» хәбәр иткәнчә, РФ Хөкүмәте билгеләгән электр энергиясен Бердәм илкүләм электр челтәре буенча электр энергиясе тапшыруга яңа тарифлар агымдагы елның 1 маеннан 31 декабренә кадәр гамәлдә була.