Мәскәүдә Кызыл мәйданда Җиңү парады бара
Мәскәүнең Кызыл мәйданында Җиңү көне хөрмәтенә бәйрәм парады бара. Анда Россия Президенты Владимир Путин, җиде чит илдән лидерлар, шулай ук махсус хәрби операциядә хәрби хезмәт узучылар катнаша. Парадны федераль телеканаллар һәм Кремльнең матбугат хезмәте турыдан-туры күрсәтә.
Парад кунаклары арасында чил ит президентлары – Казахстаннан Касым-Жомарт Токаев, Кыргызстаннан Садыр Жапаров, Таҗикстаннан Эмомали Рахмон, Үзбәкстаннан Шавкат Мирзиеев, Беларусьтан Александр Лукашенко, Төркмәнстаннан Сердар Бердымөхәмәдов һәм Армения премьер-министры Никол Пашинян бар.
Кремльнең рәсми вәкиле Дмитрий Песков хәбәр иткәнчә, Җиңү парады вакытында чит илләрнең дәүләт башлыклары Владимир Путин янындагы трибунада булачак, аннары алар барысы бергә Билгесез Солдат каберенә чәчәкләр салачак. Шулай ук «формаль булмаган иртәнге аш» планлаштырылган.
Парадта барлыгы 10 меңнән артык кеше катнаша. Кызыл мәйдан буйлап 125 берәмлек корал һәм хәрби техника узачак.