Питрәч районы авыл җирлекләрендә Сабантуй һәм Троица бәйрәмнәре билгеләп үтелә
Бу һәм киләсе атнада Питрәч районының авыл җирлекләрендә Сабантуй бәйрәме һәм христианнырның төп бәйрәмнәренең берсе Троица уза. Бу хакта «Алга» газетасы сайтында хәбәр ителә.
3 июньдә 10:00 сәгатьтә - Шәле авылында балалар өчен мөселман Сабантуе, 13:00 сәгатьтә - Кәвәл авылында Троица, Көлкәмәр авылында Симек, 19:00 сәгатьтә - Кибәч авылында Троица;
4 июньдә 10:00 сәгатьтә - Чыты авылында балалар өчен мөселман Сабантуе, 13:00 сәгатьтә - Керәшен Сәрдәсе авылында Троица;
10 июньдә 10:00 сәгатьтә - Питрәч авылында, 16:00 сәгатьтә - Кибәк авылында, 17:00 сәгатьтә - Иске Йорт авылында Сабантуй;
11 июньдә 10:00 сәгатьтә - Күн авылында, 11:00 сәгатьтә - Чыты, Ленино-Кокушкино һәм Пимәр авылларында, 14:00 сәгатьтә - Татар Казысы, Татар Тау Иле авылларында, 15:00 сәгатьтә - Шәле авылында Сабантуй.