Татарстанда кабат кырау көтелә
Иртәгә, 13 июньдә, Татарстанда тагын төнлә кырау төшәргә мөмкин, әмма тулаем алганда температура күтәреләчәк. Бу хакта Татарстанның Гидрометеорология үзәге хәбәр итә.
Күк йөзе алмашынучан болытлы сакланачак. Күләмле явым-төшем ихтималы бик аз. Төньяк-көнчыгыш һәм көнчыгыштан исә торган җилнең тизлеге секундка 6-11 метрга кадәр, кайбер урыннарда 15 метрга (Казанда 13 м/с) кадәр көчәячәк, дип билгеләп үтә синоптиклар.
Төнлә һава температурасы +3..+8 градус булачак, түбән урыннарда 0 градус тирәсе салкын (ТР башкаласында +6..+8 градус, түбән урыннарда +3..+6 градус фаразлана). Көндез һава +17..+22 градуска кадәр җылыначак (Казанда +19..+21 градуска кадәр).
Метеорологлар мәгълүматлары буенча, июньнең икенче декадасында республикада һава температурасы нормадан 3 градуска түбәнрәк булачагын «Татар-информ» хәбәр иткән иде.