Миңнеханов «Киләчәк уеннары»на кагылышлы берничә килешү имзалау тантанасында катнашты
Татарстан Рәисе Рөстәм Миңнеханов һәм Россия Хөкүмәте Рәисе урынбасары Дмитрий Чернышенко Петербург халыкара икътисади форумы (ПМЭФ) кысаларында «Киләчәк уеннары»на кагылышлы килешүләр имзалау тантанасында катнашты.
««Компьютер һәм башка спорт төрләрен үстерү агентлыгы» коммерцияле булмаган автоном оешмасы һәм «ПозитивТехнолоджиз» акционерлык җәмгыяте, «Цифрлы икътисад» коммерцияле булмаган автоном оешмасы, «Сберинтертеймент», «Соллерс» гавәми акционерлык җәмгыяте арасында килешүләр имзаланды», – дип хәбәр итә Татарстан Рәисенең матбугат хезмәте.
«Киләчәк Уеннары» халыкара мультиспорт турниры республика башкаласында 2024 елда узачак.