Мәскәү өлкәсендә ике пилотсыз аппарат төшкән
Бүген иртән Наро-Фоминск шәһәре округындагы Калининец бистәсендә ике пилотсыз аппарат төшкән. Бу хакта өлкә губернаторы Андрей Воробьев телеграм-каналында хәбәр итә.
«Бүген самолет тибындагы ике аппарат 5:30 һәм 5:50 сәгатьләрдә хәрби частьләрнең берсенең складларына якынлашканда хәрбиләрнең каршылыгы нәтиҗәсендә төште. Җимерекләр һәм зыян күрүчеләр юк», – диелә хәбәрдә.
Урында махсус хезмәтләр эшли, тикшерү алып барыла, территория әйләндереп алынган.