Алабугада «Шәһәрнең мәдәни мохите» проекты яңадан эшли башлады
Җәй җитүгә, Алабугада «Шәһәрнең мәдәни мохите» проекты яңадан эшли башлады. Шимбә кичәләрен Казаннан килгән Рөстәм Насыйбуллин ачып җибәрде. «Гуляй» паркы сәхнәсендә төрле заман көйләре яңгырады. Бу хакта «Алабуга нуры» хәбәр итә.
Проектның тагын бер шарты — аның уңайлы булуы. Чыгыш өчен мәйданчыклар шулай ясалган, чарада катнашучылар бу урынга бернинди кыенлыксыз килә ала. Аның турында хәбәрдар булмаганнар, үтеп барганда күреп алучылар да, гаҗәпләнергә, һәм үзләре дә катнашып китәргә мөмкин. Быел моның өчен ике мәйданчык әзерләнгән: «Гуляй» паркы һәм «Йорт янындагы бакча» скверы. Шул рәвешле, мәдәни күңел ачу чаралары һәр шимбәдә була.
Алабугада яшәүчеләр биредә һөнәри иҗат коллективлары, үзешчән сәнгать төркемнәре, язучылар һәм шагыйрьләр, рәссамнар һәм актерлар, спортчылар, биючеләр һәм популяр артистларның иҗаты белән якыннан таныша ала. Программага мастер-класс, интерактив күренеш, бию бәйгесе, балалар өчен күңел ачулар кертелгән.
«Шәһәрнең мәдәни мохите» проекты «Татнефть» компаниясе башлангычы һәм ярдәме белән гамәлгә ашырыла. Мәдәни җәй августның 26сына кадәр дәвам итә.