Мәскәү мәчетләрендә Корбан гаете намазында 200 меңгә якын мөселман катнашты
Мәскәү мәчетләрендә Корбан гаете намазы узды. Россия башкаласының Җәмигъ, Мемориаль һәм Тарихи мәчетләрендә 200 меңгә якын мөселман катнашты. Бу хакта РИА Новостига Россия мөфтиләр Советы рәисенең беренче урынбасары, Мәскәү өлкәсе мөфтие Рушан Аббясов хәбәр итте.
«Россия башкаласының Җәмигъ, Мемориаль һәм Тарихи мәчетләрендә Мәскәү һәм аның тирәсендәге территорияләрдә Корбан бәйрәме уңаеннан 200 меңгә якын дин тотучы дога кылды. Җәмигъ мәчете – 105 мең, Тарихи мәчет – 50 мең, Мемориаль мәчет 40 мең кешене җыйды», - дип хәбәр итте мөфти Аббясов.
Мөфти Мәскәү өлкәсендә бәйрәмдә 100 меңнән артык дин тотучы катнашканлыгын әйтте.
«Мәскәү өлкәсендә гает намазы һәм вәгазь мәчетләрдә, гыйбадәт йортларында һәм хакимият белән билгеләнгән махсус мәйданчыкларда узды», - дип өстәде Аббясов.