Рөстәм Миңнеханов Сәнәгать һәм сәүдә министрлыгындагы дәүләт хезмәткәрләре санын арттырды
Татарстан Рәисе Рөстәм Миңнеханов ТР Сәнәгать һәм сәүдә министрлыгында эшләүче дәүләт хезмәткәрләре санын арттырды. Республика җитәкчесенең шул хактагы указы бүген имзаланган һәм дөнья күргән.
Документ нигезендә, ведомствода вазифалар саны алты берәмлеккә (124тән 130га кадәр) арттырылачак. Әлеге үзгәрешләр «Татарстан Республикасы Сәнәгать һәм сәүдә министрлыгының эшчәнлеген камилләштерү максатыннан» кертелә.
Указ 2023 елның 1 сентябреннән үз көченә керәчәк.