Рөстәм Миңнеханов «Иннопром - 2023» күргәзмәсендә катнашу өчен Екатеринбургка килде
Татарстан Рәисе Рөстәм Миңнеханов эш сәфәре белән Екатеринбургка килде. Биредә республика җитәкчесе «Иннопром - 2023» Халыкара сәнәгать күргәзмәсендә катнашырга ниятли.
Моннан тыш, Татарстан Рәисе кайбер төбәкләрнең җитәкчеләре белән очрашыр һәм «Алабуга» махсус икътисади зонасы өчен двигательләр җитештерү белән шөгыльләнәчәк «Соллерс» компаниясе заводын эшләтеп җибәрүдә катнашыр дип көтелә.
Күргәзмә Россия Премьер-министры Михаил Мишустин катнашында оештырылган, партнеры – Белоруссия.
Чара берничә трекка («Транспорт машина төзелеше», «Сәнәгый IT технологияләр», «Энергетика өчен технологияләр» һәм «Яңа материаллар») бүленгән.