Татарстанда таксида ак һәм сары төсле машиналар эшләячәге турында закон кабул ителде
Татарстан Республикасы Дәүләт Советы депутатлары «Татарстан Республикасында җиңел такси машиналарында пассажирлар һәм багаж ташуны оештыру турында» закон проектын беренче укылышта һәм тулаем кабул итте, аның нигезендә 1 сентябрьдән республикада ак һәм сары төстәге машиналар гына эшли алачак.
Шулай ук закон физик һәм юридик затларның – таксистларның, такси паркларының һәм агрегаторларның таксида эшләргә рөхсәт алуын көйләүне күздә тота. Моннан тыш, закон дәрәҗәсендә такси эшен оештыручы юридик затка пассажирның таксида иминлеге һәм клиентның мөмкин булган дәгъвалары өчен җаваплылык кертелә.
Исегезгә төшерәбез, бүген Татарстан депутатлары парламент каникуллары алдыннан язгы сессиянең йомгаклау утырышын үткәрә. Анда алар 2023 елның беренче яртыеллыгы эшенә йомгак ясый.