Сарман районының Балтамак авылы көнендә мәчеткә нигез салынды
Сарман районының Балтамак авылында өченче ел рәттән авыл бәйрәме уздырыла. Бу хакта «Сарман» газетасы яза.
Быел исә авыл бәйрәме аеруча истәлекле булды, чөнки чарада авыл мәчетенә нигез салынды – беренче казыклар кагылды. Аннан авыл турында бай эчтэлекле «Балтамак. Авыл тарихы hәм кешеләре» дигән китап та тәкъдим ителде.
Авылдашларның шатлыгын уртаклашырга район башлыгы Фәрит Хөснуллин, тамырлары шушы авылдан булган ТР Сәламәтлек саклау министры урынбасары Илдар Фатыйхов, Түбән Кама шәhәре мэры Рамил Муллин hәм башкалар кайткан иде. Авыл бәйрәме матур истәлекләргә, җыр-моңга бай булды. Балалар, өлкәннәр өчен төрле уеннар да оештырылды. Күптән мәктәп тәмамлап, бер-берсен сагынып кайткан сыйныфташлар да очрашты, диелә хәбәрдә.