Ульяновск өлкәсенең Инза районы татар хатын-кызлары Рәхмәт хаты алган
Ульяновск өлкәсенең Инза районы «Ак калфак» татар хатын-кызлар оешмасы әгъзалары махсус хәрби операция зонасына озату өчен гуманитар ярдәм җыю буенча күп эш башкара. Күптән түгел солдатлар алар әзерләгән милли ризыклардан да авыз иткәннәр иде. Бу хакта Ульяновскида чыгучы «Өмет» газетасының телеграм-каналы хәбәр итә.
Инза «Ак калфак» кызларының эшен җитәкчеләр дә югары бәяли. 45863 нче хәрби часть командиры - полковник М. Жильцов юллаган Рәхмәт хаты шушы көннәрдә Инза районы «Ак калфак» кызларына килеп ирешкән. Киләчәктә дә игелекле эшләребезне дәвам итәчәкбез. Җиңү өчен үзебездән өлеш кертергә тырышабыз, ди оешма җитәкчесе Илүсә Коломак.