Вильфанд Татарстанда +38 градуска кадәр эссе булачагын фаразлады
Россиянең кайбер төбәкләрендә, шул исәптән Татарстанда, Чувашиядә һәм Ульяновск өлкәсендә якын көннәрдә бик эссе булуы көтелә – көндез термометрның терекөмеш баганасы +30..+39 градуска кадәр күтәреләчәк. Бу хакта ТАСС агентлыгы Россия Гидрометеоүзәгенең фәнни җитәкчесе Роман Вильфандка сылтама белән хәбәр итә.
«Тагын берничә төбәктә – Татарстан, Чувашия, Ульяновск өлкәсе, Таймыр, Сахалин һәм Ханты-Манси автономияле округында якын көннәрдә температура фоны 7 һәм аннан да артыграк градуска югары булачак», - диде метеоролог.
Аның сүзләренчә, 28 һәм 29 июльдә республикада һава температурасы +36..+37 градуска җитәчәк.