Бастрыкин Татарстанда 9 яшьлек кызны әнисе урлау турында эш нәтиҗәсен хәбәр итәргә кушты
Россия Тикшерү комитеты рәисе Александр Бастрыкин Россия Тикшерү комитетының ТР буенча идарәсе җитәкчесе Валерий Липскийга 9 яшьлек баланы урлау буенча тикшерү нәтиҗәләре турында хәбәр итәргә кушты. Бу хакта Россия Тикшерү комитетының матбугат хезмәтендә хәбәр иттеләр.
Элегрәк бер федераль канал эфирында Татарстанда хатын-кызның суд карары белән килешмәве һәм элекке иреннән үз баласын урлавы турында сөйләделәр. Шул ук вакытта суд 9 яшьлек кыз бала әтисе янында яшәячәк дигән карар чыгара.
Баланың кайда булуы әлегә кадәр билгеле түгел. Моннан тыш, ир-атны элеккеге хатынының танышлары кыйнаган дип хәбәр ителә.