«Чәчәкле Саба» конкурсы җиңүчеләрне тәбрикләделәр
Август аенда үткәрелгән «Чәчәкле Саба» конкурсында шәхси хуҗалыклар, оешмалар, авыл җирлекләре, мәгариф, сәламәтлек саклау, мәдәният, спорт учреждениеләре арасында җиңүчеләр һәм призерлар бүләкләнде. Бәйге җиңүчеләренә башкарма комитет җитәкчесе Марат Ишниязов бүләк сертификатлары тапшырды. Бу хакта «Саба таңнары» хәбәр итә.
«Шәхси хуҗалыклар» номинациясендә (хуҗалык биләмәсенең урам ягы бизәлеше өчен) 1нче урын Лесхоз бистәсеннән Фазилә һәм Айдар Зиннәтуллиннарга бирелде. «Күпфатирлы йортлар» номинациясендә Сабадан Рафаил Әгъләмов җиңде.