Дәрвишләр бистәсендә поезд кешене бәрдереп үтергән
Узган төндә Казанда поезд кешене бәрдереп үтергән. Бу хакта «Татар-информ»га фаҗига шаһитлары хәбәр итә.
Фаҗига 20 сентябрьгә каршы төндә була. «Волгоград – Нижневартовск» поезды Дәрвишләр бистәсе – Әмәт аралыгында ир-атны бәрдерә.
Ярты сәгатьтән соң состав маршрут буенча хәрәкәтен дәвам итте, дип хәбәр итә агентлык әңгәмәдәше.