Спасның Ким мәктәбендә хәрби операциядә һәлак булучы истәлегенә мемориаль такта ачтылар
Спас районы Ким мәктәбендә хәрби операциядә һәлак булган Александр Усов истәлегенә мемориаль такта ачылды. Бу хакта «Яңа тормыш» хәбәр итә.
Мемориаль тактаны ачуда Александрның әтисе Анатолий Усов, Александрның әнисе, хатыны һәм балалары, район башкарма комитеты җитәкчесенең социаль мәсьәләләр буенча урынбасары Евгений Савинов, сугыш хәрәкәтләре ветераны, хәрби хәрәкәтләр ветераннары иҗтимагый оешмасы рәисе вазифаларын башкаручы, Спас районы Хәрби һава көчләре ветераннары рәисе Алексей Костин, Ким урта мәктәбе директоры Евгения Мамонова, «Болгар» эзләү отряды җитәкчесе Борис Андреянов, мәктәп укучылары һәм педагоглары, шулай ук якын туганнары һәм хәрби хәрәкәт ветераннары Евгений Андронов һәм Алишер Равшанов катнашты.
Сәламләү чыгышларыннан соң Анатолий Усов Евгений Савинов һәм Алексей Костин бергә истәлек тактасын ачтылар һәм Александр истәлеген бер минут тынлык белән хөрмәтләделәр.
Мемориаль тактага чәчәкләр салганнан соң 9-11 сыйныф укучылары Батырлык дәресенә юл алды. Дәрестә мемориаль тактаны ачуда сугыш хәрәкәтләре ветераннары да катнашты.