Песошин: Татарстан профсоюзлары үз тармакларында социаль мәсьәләләрне нәтиҗәле хәл итә
Татарстан Премьер-министры Алексей Песошин республика халкын Татарстан Республикасы Профсоюзлары көне белән котлады.
«Татарстан Республикасында профсоюзлар гасырдан артык үсеш тарихына ия. Бүген дә хезмәт ияләренең социаль-икътисади һәм хезмәт хокукларын, һәм мәнфәгатьләрен яклауда илнең иң массакүләм иҗтимагый оешмаларының берсе булып кала.
Татарстан Республикасы Профсоюзлар федерациясенә берләшкән тармак, беренчел профсоюз оешмалары үз тармакларында, хезмәт коллективларында социаль-икътисади мәсьәләләрне нәтиҗәле хәл итә.
Бүгенге көндә безнең уртак бурычыбыз — кешенең сәләт һәм хезмәт потенциалын ачу, аның тормышы өчен уңайлы мохит формалаштыру һәм гомумән халыкның тормыш сыйфатын яхшырту өчен мөмкинлекләр булдыру.
Бу мәсьәләләрне хәл итү республикада килешү нигезендә өч якның – дәүләт, эшмәкәрләр һәм профсоюзларның конструктив диалогы режимында башкарыла.
Бу уртак эш нәтиҗәсендә хәзерге катлаулы шартларда безнең икътисадны үстерәбез, барлык тышкы чакыруларга лаеклы җавап бирәбез, өстәмә югары җитештерүчән эш урыннары булдыра алабыз.
Татарстан профсоюз хәрәкәтендә катнашучыларның барысына да республика файдасына нәтиҗәле эшчәнлек, бәхет, нык сәламәтлек, оптимизм һәм гаилә иминлеге телим», – диде Татарстан Премьер-министры Алексей Песошин.