Мөслимнең Атлас авылы мәчетенә манара һәм ярымай куелды
Мөслимнең Атлас авылы мәчетенә манара һәм ярымай куелды. Бу хакта «Мөслим-информ» хәбәр итә.
«Чарада Мөслим районы имам-мөхтәсибе Илгиз хәзрәт Сөнгатуллин, Тойгелде авыл җирлеге башлыгы Дамир Минһаҗев, ветераннар советы рәисе Равил Минһаҗев, авыл халкы катнашты. Манараны Тойгелде авылында яшәүче Раиф Габделхаков ясады. Ярдәм итүчеләргә аеруча зур рәхмәт!» - диелгән Тойгелде авыл җирлеге башкарма комитетының социаль челтәрдәге сәхифәсендә.