Татарстан Үзбәкстанның Сурхандәрья өлкәсе белән хезмәттәшлек итү турында килешү имзалады
Татарстан Хөкүмәте Үзбәкстанның Сурхандәрья өлкәсе белән хезмәттәшлек итү турында килешү төзеде. Документны республика Рәисе Рөстәм Миңнеханов һәм өлкә хокиме Улугбәк Косимов имзалады.
Килешү сәүдә-икътисади, фәнни-техник, мәдәни, авыл хуҗалыгы, яшьләр һ.б. өлкәләргә кагыла. Ул барлыгы 12 маддәне үз эченә ала.
Искәртеп узабыз, кичә Үзбәкстан Президенты Шәүкәт Мирзиёев рәсми визит белән Россиягә килде. Ул үз сәфәрен Татарстаннан башлады, биредә республика Рәисе Рөстәм Миңнеханов белән очрашты. Бүген үзбәк лидеры Россия Президенты Владимир Путин белән сөйләшүләр үткәрәчәк.