Татарстанда яшәүчеләр социаль челтәрләрдә иртән яуган карның фотолары белән уртаклаша
Бүген иртән Татарстанның берничә районында кар яуган. Әйтик, республиканың Бөгелмә һәм Баулы районнарында яшәүчеләр кар сарган урамнар һәм ишегалларын фотога төшергән.
Республика Гидрометеорология һәм әйләнә-тирә мохитне күзәтү идарәсендә элегрәк хәбәр итүләренчә, бүген, 22 октябрьдә, Татарстанда салкынча һәм коры һава торышы көтелә.
«Көндез явым-төшем ихтималы аз. Шул ук вакытта, иртән көньяк һәм көнчыгыш районнарда кайбер урыннарда юлда бозлавык барлыкка килергә мөмкин», – дип хәбәр итә ведомство.
Искәртеп узабыз, быел беренче кар 9 октябрьдә яуды. Үз чиратында, КФУ профессоры Тимур Әүхәдиев алда торган кышның контрастларга бай булачагы хакында хәбәр итте. Аның мәгълүматлары буенча, аномаль салкын декабрь соңгы тапкыр 2020 елда булган.