Алабуга районында янгын вакытында әтиле-кызлы ике кешенең тәне пешкән
Алабуга районында кич кичә янгын чыгуы турында хәбәр иткәннәр. Ачыкланганча, Гари авылының Үзәк урамында шәхси йорт һәм каралтыларга ут капкан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Янгын верандада башланган. Аның аша йорттан чыгарга тырышкан вакытта 48 яшьлек хатын-кыз һәм аның 72 яшьлек әтисенең тәнен пешкән.
Соңрак янгынны сүндергәннәр. Аның мәйданы 104 квадрат метр тәшкил иткән.
Янгын электр җиһазын көйләү һәм файдалану кагыйдәләрен бозу сәбәпле чыккан дип фаразлана.