Миңнеханов Газа секторында зыян күрүчеләргә Татарстанда ярдәм җыю оештырылуын искәртте
Газа секторында зыян күрүче кешеләре өчен Татарстанда гуманитар ярдәм җыю эше оештырылган. Бу хакта Татарстан Республикасы Хөкүмәте Йортында узган республика киңәшмәсендә Татарстан Рәисе Рөстәм Миңнеханов хәбәр итте.
Ул искә төшергәнчә, ярдәм кабул итү гуманитар йөк җыюның өч пунктында башкарыла: Патрис Лумумба урамы, 4нче йорт, Мәҗит Гафури урамы, 46нчы йорт, Габдулла Тукай урамы, 89нчы йорт. Бу турыда Татарстан Рәиснең матбугат хезмәте хәбәр итте.
Беренче кирәкле товарлар исемлеге билгеләнгән. Бу: ризык балалар өчен дә, өлкәннәр өчен дә, гигиена һәм балаларны карау чаралары, көнкүреш әйберләре. Кирәкле әйберләрнең тулы исемлеге «Ярдәм Янәшә» хәрәкәте сайтында урнаштырылган.
«Акчаларны «Ак Барс Созидание» хәйрия фондының, шулай ук «Зәкят» фондының махсус счетына күчереп була. Эшне оештыру өчен җаваплы итеп ТР вице-премьеры Ләйлә Фазлыева һәм Татарстан Республикасы Гадәттән тыш хәлләр министрлыгы билгеләнде», - дип өстәде Рөстәм Миңнеханов.