Бөгелмә контрактчылары махсус хәрби операция зонасына Туган илне сакларга китте
Бөгелмә районыннан тагын ике кеше Россия Саклану министрлыгы белән бер елга контракт төзеде. Алар Бөгелмәдән Казанга, республика җыелма пунктына бара, анда кирәкле әйберләр һәм кием-салым алачак.
«Татар-информ»га муниципаль берәмлекнең матбугат хезмәтендә хәбәр итүләренчә, республика Хөкүмәте биргән транспортта аларны Ростов өлкәсенә илтәләр, анда хәрби хезмәткәрләр яңа килүчеләр белән тәҗрибә, күнекмәләре һәм белемнәре белән уртаклашачак.
Бөгелмә районында да, Россиядәге кебек, контракт буенча хәрби хезмәткәрләрне җыю дәвам итә. Көн саен хәрби комиссариатка шәһәрдә һәм районда яшәүчеләр мөрәҗәгать итә. Контракт төзегән һәр кешегә акча һәм хәрби ташламалар каралган.
Контракт төзегән очракта хәрби хезмәткәр 195 мең сум ала. Татарстанда гражданнарының өч категориясенә - башка шәһәр кешеләренә, элек мобилизацияләнгәннәргә һәм чакырылыш буенча хәрби хезмәткәргә 2023 елның 31 августыннан соң контракт төзегән очракта бер тапкыр 305 мең сум түләнә.
Бөгелмә районында 4-00-96 телефоны тәүлек буе эшли, аның буенча хәрби комиссариат хезмәткәрләре Россия Кораллы көчләр сафларында хәрби хезмәт узу өчен контракт төзергә теләүчеләргә кирәкле мәгълүмат бирә.
Контрактны 1, 2, 3 яки 5 елга төзергә була. Комплекслы якын килү сәбәпле, хезмәт итү өчен контракт имзалау процессы тизрәк һәм нәтиҗәлерәк була бара.
- Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була.