Казанда «Татарстан Республикасы Рәисе Кубогы»на суга сикерү ярышлары башланды
Бүген, 10 ноябрьдә, Казанда Су спорт төрләре сараенда суга сикерү ярышлары – «Татарстан Республикасы Рәисе Кубогы» старт алды. Ярышлар программасы 10 ноябрьдән 14 ноябрьгә кадәр — 4 көнгә исәпләнгән, дип хәбәр итә оештыручылар.
Турнир World Aquatics кагыйдәләре буенча уза.
Быел ярышларда катнашу өчен Татарстан башкаласына Мәскәү, Санкт-Петербург, Казан, Электросталь, Пенза, Чиләбе өлкәсеннән, шулай ук Минскидан барлыгы йөзгә якын спортчы килгән.
Турнир бүләкләре трамплиннан шәхси һәм синхрон сикерү төрләрендә уйнатыла.
Шунысын да билгеләп үтәргә кирәк, турнирда 14-18 яшьлек юниорлар һәм 12-13 яшьлек Россия беренчелеге җиңүчеләре һәм призерлары катнаша.
Ярышлар программасы:
10 ноябрь (җомга):
- 10.00 беренчел ярышлар;
- 15.30 ачылыш тантанасы;
- 16.00 финал;
11 ноябрь (шимбә):
- 10.00 беренчел ярышлар;
- 16.00 финал;
12 ноябрь (якшәмбе):
- 10.00 беренчел ярышлар;
- 16.00 финал;
13 ноябрь (дүшәмбе):
- 10.00 беренчел ярышлар;
- 16.00 финал.