Сарманда Наил Сафин истәлегенә мини-футбол ярышы булды
Сарманның «Айтуган» спорт залында район тарихчысы, яшь буында хоккейга карата мәхәббәт тәрбияләгән күренекле шәхес Наил Сафин истәлегенә мини-футбол буенча турнир уза. Бу хакта «Сарман» сайтында хәбәр ителә.
Ул быел дүртенче тапкыр үткәрелә. Ярышларда алты команда — Сарман, Иске Кәшер, Әлмәт, Актаныш, Мөслим һәм Чаллы спортчылары катнаша. Иң элек алар ике төркемгә бүленеп уйныйлар, аннан соң плей-офф булачак.
Командаларны район Башкарма комитеты җитәкчесе урынбасары Индира Сәхипова, яшьләр эшләре, спорт һәм туризм бүлеге начальнигы Руслан Гыйльфанов, Наил Сафинның тормыш иптәше Регина Ганиевна, улы Шамил, бертуганы Камил сәламләде. Остазның якыннарына бүләкләр дә әзерләнгән иде. Уеннарга шулай ук аның кызы Индира Васильева, оныклары Алиса белән Арслан да кайтканнар. Тупка беренче символик тибүне дә Алиса ясады.