Чаллыга «Яңа ел казы» ярминкәсенә Татарстанның 14 районыннан каз алып килгәннәр
Яр Чаллыда бәйрәм алды «Яңа ел казы» авыл хуҗалыгы ярминкәләре башланды. Аларның беренчеләре бу ял көннәрендә — 16 һәм 17 декабрьдә узды.
Ярминкәләргә Татарстан Республикасының 14 районыннан күпләп каз ите китерелгән.
Шәһәр халкы һәм кунаклардан сыер итенә, сарык ите, тавык, үрдәккә ихтыяҗ аеруча зур булган. Шулай ук ярминкә мәйданчыкларында башка авыл хуҗалыгы продукциясе дә тәкъдим ителде.
Алдагы ярминкәләр 18, 23 һәм 24 декабрьдә шәһәрнең өч мәйданчыгында узачак — бәйрәм өстәленә азык-төлекне «Төзүче» стадионы каршында, ипподром һәм «Көньяк» агропаркы территориясендә сатып алырга мөмкин булачак.
Быел Татарстанда авыл хуҗалыгы ярминкәләре 23 декабрьдә тәмамлана.