Казанда 10 гыйнварда чаңгы ярышлары буенча Россия Кубогының бишенче этабы була
10 гыйнварда Татарстан башкаласында чаңгы ярышлары буенча Россия Кубогының бишенче этабы узачак. Республика спорт министры Владимир Леонов ТР Министрлар Кабинетындагы брифингта алда торган вакыйга хакында хәбәр итте.
«10 гыйнварда чаңгы-биатлон комплексында чаңгы ярышлары буенча Россия Кубогының бишенче этабы үтә. Анда илебезнең иң яхшы чаңгычылары килә», - дип искәртте профиль ведомство башлыгы.
Министр сүзләренчә, бу – Россия спортында чаңгы ярышлары буенча иң күренекле вакыйга.