Рөстәм Миңнеханов Татарстан Рәисе стипендиясен алучы студентлар исемлеген киңәйтте
Татарстан Рәисе Рөстәм Миңнеханов республика югары уку йортларында белем алучы һәм дәүләт ярдәменең өстәмә чарасы сыйфатында республика җитәкчесе стипендиясен алачак студентлар исемлеген киңәйтте. Шул хактагы указ хокукый мәгълүмат порталында урнаштырылган.
Биредә көндезге бүлектә укучы татарстанлыларның исемнәре урын алган исемлек турында сүз бара. Исемлекне тагын алты кеше тулыландырган.
Элегрәк «Татар-информ» агентлыгы Рөстәм Миңнехановның Татарстан югары уку йортларында белем алучы студентлар өчен ТР Рәисе стипендиясен билгеләве хакында хәбәр иткән иде.