Олы Әтнәнең Каенсар урманында чаңгы сезонын ачтылар
Олы Әтнәнең Каенсар урманында «Кышкы фестиваль» белән чаңгы сезонын ачтылар. Бу хакта «Әтнә таңы» газетасы яза.
Башка елдан аермалы буларак, бәйрәм чарасы, шул исәптән ярышлар да кич уздырылды. Ярышлар һәм район оешмалары арасында спартакиада булды.
Җылыныр өчен кайнар чәй, өстәле дә, табадан гына төшкән коймакны да ашарга була иде. Һәр елдагыча лотерея билетлары да уйнатылды, диелә хәбәрдә.